….အထင်ကရ နေရာတစ်ခုဖြစ်တဲ့ ရန်ကုန်မြို့အဝင်က ကြိုဆိုပါ၏ ဆိုတဲ့ ဆိုင်းဘုတ်ကြီး မှားနေသည် …..

မှနဲ့က သုံးတာ မှားလို့တဲ့

ရန်ကုန်မြို့က ကြိုဆိုပါ၏ ရန်ကုန်မြို့မှ ထွက်ခွာ ပါတော့မည်… မောင်ခင်မင် (ဓနုဖြူ)

“သမီးရေ၊ ဒီသတင်းဖတ်ပြီးပြီလား” “ဪ ‘ရန်ကုန်မြို့ အဝင် ဆိုင်းဘုတ်တည် ဆောက်မှုရာနှုန်းပြည့်ပြီးစီး’ ဆိုတဲ့ သတင်းလား ဘဘ။ သမီးဖတ်ပြီးပါပြီ။ မြို့အဝင်ဆိုင်းဘုတ်ကို ခံ့ခံ့ညားညား လှလှပပ လုပ်ထားတာဆိုတော့ ကျက်သ‌ရေရှိတာပေါ့နော်”

“ဟုတ်တယ်။ ဝမ်းသာစရာသတင်းတစ်ခုပဲ။ မြို့အင်္ဂါရပ်နဲ့အညီ လိုအပ်တဲ့အဆောင်အယောင် တစ်ခုလို့ ဆိုရမှာပေါ့။ အဲဒီဓာတ်ပုံထဲက ရေးထား တဲ့စာကို ဖတ်ကြည့်လိုက်ပါအုံး” “ဟုတ်ကဲ့၊ welcome to Yangon ပါ ဘဘ” “ဟုတ်ပါပြီ။

မြန်မာလို‌ရေးထားတာကရော” “မြန်မာလို ရေးထားတာက…၊ဟင် ‘ရန်ကုန်မြို့ မှ ကြိုဆိုပါ၏’ လို့ ရေးထားတယ် ဘဘ” “သမီးက ‘ဟင်’ ဆိုပြီး ဘာဖြစ်လို့ အထိတ် တလန့်ဖြစ်သွားရတာလဲ” “ရန်ကုန်မြို့က ကြိုဆိုပါ၏လို့ရေးမှ မှန်မှာပေါ့ ဘဘ၊ အခုရေးထားတာက ‘ရန်ကုန်မြို့မှ ကြိုဆိုပါ ၏’ တဲ့။

‘က’ နဲ့‘မှ’ လွဲနေလို့ပါ” “အင်း- သမီးက တက္ကသိုလ်က မြန်မာစာ ကထိကဆိုတော့ အမှားတွေ့တာနဲ့ ချက်ချင်း မြင်လိုက်တာပေါ့ကွယ်။ ဘဘလဲ အဲဒါပြောချင် လို့ပါ” “ဟုတ်ကဲ့ပါ ဘဘ” “ ‘မှ’ နဲ့‘က’ မှားသုံးတာမျိုး တော်တော်လေး နည်းသွားပြီထင်တာ။

ပထမတော့ ဘာမှ မပြော တော့ဘူးလို့။ ခုတော့ ဒီလိုထုကြီး ထည်ကြီး လုပ်ထားတဲ့ အဆောင်အယောင် ဆိုင်းဘုတ်မှာ တောင် ဒီလိုဖြစ်နေတော့ မနေသာလို့ ပြောရ ပြန်တာပေါ့ကွယ်” “ပြောသင့်ပါတယ် ဘဘ။

ဒီလိုပြောမှ သတိ ထားမိကြမှာပေါ့။ ဒါထက်- သမီးတို့က ငယ်တော့ အဲဒီ မှ နဲ့ က ဘယ်တုန်းက စမှားတယ် ဆိုတာ သေသေချာချာ မသိပါဘူး ဘဘ။ ကြုံတုန်းသတိရ လို့ ဘဘကိုမေးကြည့်တာပါ” “ပြောရရင်တော့ ၁၉၆၅ ခုလောက်က စမှား တာပေါ့ကွယ်။ သမီးတောင်မွေးအုံးမှာ မဟုတ်သေး ဘူး။

အဲဒီတုန်းက အစိုးရနဲ့ တောတွင်းက ပုဂ္ဂိုလ် တွေနဲ့ ငြိမ်းချမ်းရေးဆွေးနွေးပွဲ လုပ်တယ်။ ‌‌တောတွင်းကလာတဲ့ ပုဂ္ဂိုလ်တွေရဲ့ စကားတွေကို မြန်မာ့အသံကလွှင့်တော့ ‘ဗိုလ်ဘယ်သူမှ ပြောပါ သည်’၊ ‘ရဲဘော်ဘယ်သူမှ ပြောပါသည်’ ဆိုပြီး ‘မှ’ တွေသုံးတာ ပလူပျံနေတာပဲ။

သူတို့ရေးတဲ့ စာတွေ မှာလဲ ပြုလုပ်တဲ့သူကို ‘က’ မသုံးဘဲ ‘မှ’ တွေချည်း သုံးတာ။ အဲဒီစာတွေလဲ သင်ခန်းစာထဲ မှာ ပါတာကိုး။ လိုရင်းပြောရရင် ငြိမ်းချမ်းရေး ဆွေးနွေးပွဲပျက်သွားပြီး သူတို့သာ တောထဲ ပြန်သွားတယ်။

သူတို့သုံးခဲ့တဲ့ ‘မှ’ တွေကို ထားပစ် ခဲ့တယ်ထင်ပါရဲ့။ အဲဒီအချိန်ကစပြီး သတင်းစာ တွေ၊ စာအုပ်စာတမ်းတွေမှာ ‘က’ နေရာမှာ ‘မှ’ တွေ အလုံးအရင်းနဲ့ ဝင်လာတော့တာပဲကွယ်” “မှတ်သားစရာပါ ဘဘ။ သမီးလဲ ခုမှသေသေ ချာချာသိပါတယ်”

“မြန်မာစကားဖွဲ့ထုံးစည်းကမ်းမှာ ‘က’ ဆိုရင် ပြုလုပ်သူကိုပြတယ်။ ‘မှ’ ဆိုရင် ထွက်ခွာ ရာကို ပြတယ်။ ခုအထိ သင်ကြားနေတဲ့ သဒ္ဒါတွေမှာလဲ ဒီအတိုင်းပဲ။ ပြုလုပ်သူကို ‘မှ’ လို့ ဘယ်သဒ္ဒါစာအုပ် ကမှမပြပါဘူးကွယ်။ အခုလဲ ကျောင်းတွေမှာ အဲဒီ လိုမသင်ပါဘူး”

“ဟုတ်ကဲ့ပါ” “ဒါပေမဲ့ အဲဒီတုန်းက ‘မှ’ တွေက ကျောင်းပြင်ပ မှာ တွင်ကျယ်လာတယ်။ တပ်ထဲက အသုံးအနှုန်း တွေမှာလဲ ‘မှ’ တွေ အများကြီး တွေ့ရတယ်။ ‘ဗိုလ်မှူးကြီးဘယ်သူမှ’၊ ‘ဗိုလ်ဘယ်သူမှ’ ဆိုတာ တွေပေါ့” “ဟုတ်ကဲ့” “အင်း…ပြောရအုံးမယ်။

တစ်ခါက အစည်း အဝေးတစ်ခုမှာ ဆွေးနွေးတဲ့သူတွေက ဟိုလူကလဲ ‘မှ’၊ ဒီလူကလဲ ‘မှ’ လုပ်နေတော့ ဆရာကြီး တစ်ယောက် က စိတ်မရှည်တော့ဘဲ ထပြောရော။ ‘ခင်ဗျားတို့ အဲဒီ ‘မှ’ တွေကို အကောင်းထင်ပြီး သုံးမနေနဲ့။

တောတွင်းက လူတွေသုံးခဲ့တဲ့ အသုံးမှား ကြီး။ ‘ခင်ဗျားတို့က အမွေခံလိုက်တာ’ လို့ ပြောပါ လေရော” “ဪ” “သမီးသိတဲ့အတိုင်း အခမ်းအနားတွေမှာလဲ ‘သဘာပတိကြီးမှ မိန့်ကြားပါတော့မယ်’တို့၊ ‘ဥက္ကဋ္ဌ ကြီးမှ ဆုချီးမြှင့်ပါတော့မယ်’တို့၊ ‘မှ’ တွေ တွင်ကျယ် လာရော။

ရေးကြပြောကြလွန်းလို့လားတော့မသိဘူး။ အရင်လောက်တော့ ‘မှ’ မသုံးတော့ဘူး။ တချို့ ကတော့ ‘မှ’ ပြောလိုက်၊ ‘က’ ပြောလိုက်တစ်လှည့်စီ ပြောကြတယ်။ အတူတူထင်လို့ ထင်ပါရဲ့။ အခု လက်ရှိ အခြေအနေမှာတော့ တီဗွီတို့၊ ရေဒီယိုတို့က သတင်းကြေညာတဲ့ သူတွေရဲ့ ပါးစပ်ထဲမှာ ‘မှ’တွေ တရစ်ဝဲဝဲရှိနေတုန်းပဲ။

တီဗွီက ကိုရီးယား ရုပ်ရှင် တွေရဲ့ အောက်ခြေက စာတန်းတွေမှာလဲ ‘ဆရာတော်ကြီး ဦးပညာဗလမှ တရားဟောကြား တော်မူပါမည်’ ဆိုတာမျိုး စာတန်းကလေးတွေ ဖတ်နေရတုန်းပါပဲကွယ်” “စိတ်မောစရာကြီးပဲနော် ဘဘ” “မြို့အဝင်ဆိုင်းဘုတ်နဲ့ ပတ်သက်ပြီး ပြောရအုံး မယ်။

သမီး၊ ဆရာမောင်သုတဆိုတာ ကြားဖူးတယ် မဟုတ်လား” “ကြားဖူးပါတယ် ဘဘ။ ဗိုလ်မှူးဘသောင်းရဲ့ ကလောင်နာမည်ပါ။ ဆရာကြီးရေးတဲ့ ‘စာဆိုတော် များအတ္ထုပ္ပတ္တိ’ကို သမီးတို့ လက်စွဲလုပ်ပြီး လေ့လာ နေရပါတယ်” “အေး… ဗိုလ်မှူးဘသောင်းက မြန်မာစာပေ ပညာရှင်ကြီးပါကွယ်။

မဟာဝိဇ္ဇာဘွဲ့ကို ထူးထူး ချွန်ချွန်အောင်ပြီး ရန်ကုန်တက္ကသိုလ်မှာ ဆရာ လုပ်နေရာက တပ်မတော်ထဲဝင်အမှုထမ်းတယ်။ မေမြို့ အခု ပြင်ဦးလွင်ပေါ့။ ပြင်ဦးလွင်စစ်တက္ကသိုလ်မှာ မြန်မာစာဌာနမှူးအဖြစ် သင်ကြားပို့ချခဲ့တယ်။

မြန်မာစာအဖွဲ့မှာ အတွင်းရေးမှူးအဖြစ် တာဝန် ထမ်းဆောင်ရင်း ကွယ်လွန်တယ်။ မြဝတီမဂ္ဂဇင်းမှာ ‘မြန်မာစာ မြှင့်ချင်လွန်းလို့’ ဆိုတဲ့ ခေါင်းစဉ်နဲ့ မြန်မာစာ သတ်ပုံရေးထု